Cysylltiadau

Ffurflenni y gwobrau (pdf 514kb)

2004 Local Design Awards (brochure, pdf: 314kb) | story

Cyngor technegol
Goresgyn y Rhwystrau: Darparu Mynediad Corfforol i Adeiladau Hanesyddol (ar y wefan Cadw )

Gwahoddiad i enwebu prosiectau
Gwobrau Dylunio Lleol
Gwobrau Mynediad Cadw 2005-6

Gwahoddir Cymdeithasau Dinesig i enwebu prosiectau a gwblhawyd yn ddiweddar ar gyfer rownd 2005-6 Gwobrau Dylunio leol. Ochr yn ochr â hyn fe’u gwahoddir i enwebu prosiectau a lwyddodd i ddod o hyd i atebion llwyddiannus a newydd o bosibl i fynediad mewn adeiladau hanesyddol ar gyfer gwobrau newydd Gwobrau Mynediad Cadw. Fe’u hanogir i gydweithio â grwpiau mynediad lleol a swyddogion mynediad awdurdodau lleol (a all hwythau gyflwyno prosiectau yn annibynnol yn ogystal) i baratoi enwebiadau ar gyfer Gwobrau Mynediad Cadw. Gellir cyflwyno prosiect ar gyfer y naill neu’r llall neu’r ddwy wobr. Mae’r cynllun hwn yn adeiladu ar gynllun peilot 2003-4 (pdf 314kb) a lwyddodd i gael cymdeithasau dinesig i fod yn rhan o ddathlu dylunio lleol da – dylunio sy’n ymateb i’r cyd-destun lleol mewn ffordd sy’n gosod safon i’w hefelychu yn y gymuned.

Meini Prawf: Gwobrau Dylunio Lleol
Mae’r meini prawf ar gyfer y Gwobr Dylunio yn cyfateb i’r rhai a osodwyd yn 2004.

• Mae’r gwobrau’n dathlu dylunio lleol da a werthuswyd gan bobl leol.
• Gellir enwebu’r rhan fwyaf o fathau a maint o brosiect; gall y ceisiadau gynnwys adeiladau newydd yn ogystal â phrosiectau sy’n parchu cymeriad adeiladau hŷn. Gall cynllun cadwraeth olygu newidiadau mawr neu adnewyddu gofalus ar fanylion.
• Dylai prosiectau ymateb i’r cyd-destun a’r cymeriad lleol a gallant ddangos atebion arloesol neu gyfoes o ran y dyluniad.
• Dylai prosiectau ymateb i anghenion y defnyddwyr a lle bo hynny’n berthnasol, gyfrannu at amgylchedd sy’n gynaliadwy, yn fwynhad, yn ddiogel ac yn sicr.
• Dylai prosiectau fod wedi’u gorffen ers mis Medi 2000
• Gall cymdeithasau ystyried cyflwyno prosiectau a enillodd gydnabyddiaeth trwy eu cynlluniau gwobrwyo hwy eu hunain.

Adolygir yr enwebiadau a phenderfynir ar y gwobrau gan banel o blith bwrdd yr Ymddiriedolaeth, gan gynnwys aelodau a etholwyd gan gymdeithasau dinesig. Bydd pob cynllun a fydd, ym marn y panel, yn cyfateb yn llwyddiannus i’r meini prawf yn derbyn gwobrau.

Meini Prawf: Gwobrau Mynediad Cadw
Noddir y cynllun hwn gan Cadw, adain amgylchedd hanesyddol Llywodraeth Cynulliad Cymru. Gall cymdeithasau dinesig neu fudiadau perthnasol eraill gan gynnwys grwpiau mynediad lleol, gynnig enwebiadau. Dylai prosiectau fod wedi llwyddo i roi sylw i broblem darparu mynediad i bobl anabl i adeiladau hanesyddol y mae’r cynllun yn eu diffinio yn rhai rhestredig neu mewn ardal gadwraeth. Gallwn gysylltu’r cymdeithasau hynny sydd â diddordeb mewn enwebu, â grwpiau mynediad lleol a staff ymgynghorol awdurdodau lleol ac i’r gwrthwyneb. Asesir yr enwebiadau gan banel a fydd yn cynnwys cynrychiolydd o Anabledd Cymru ac arbenigwr Cadw ar fynediad. Bydd y cynlluniau llwyddiannus yn adlewyrchu’r egwyddorion yn Goresgyn y Rhwystrau, sef arweiniad Cadw ar fynediad. Mae copïau ar gael oddi wrth Cadw drwy’r post neu ar wefan Cadw. Cadw fydd yn rhoi’r Gwobrau Mynediad.